Historisch kassencomplex te Beetsterzwaag
 
 
 
 
 
 
FryskStellingwerfsEnglishDeutschFranšaisEspa˝olItalianoSvenskaNorskčeskřPapiamentu

Bon bini na e Kas Tropikal di Beetsterzwaag

Bon bini na e Kas Tropikal di Beetsterzwaag
E luga idíliko aki, den e Overtuin di e Lycklamahûs noblesa na Hoofdstraat na
Beetsterzwaag, ta bale la pena pa bishitá. E hardinnan magnifico konstruí i e edifisionan históriko ta testigunan ketu di e noblesa riku di e siglonan 17 i 18. Un parti importante di e totalidat aki, ta e compleho di kasnan di mata: Tropische Kas/Kas Tropikal

Un pasado bibu
E compleho di kasnan ta situá den un parti separá di e Overtuin en frente di e Gemeentehuis na Beetsterzwaag.
Antes, hardineronan den servisio di e famia Lycklama, tabata kultivá aki flornan i matanan di fruta eksótiko. Awendia, tur hende por bishita e kasnan i gosa di e flornan i plantanan ku antes tabata aksesibel pa solamente un par di hende.

E pueblo Beetsterzwaag
Antes, Beetsterzwaag tabata un dorp di grandesa, noblenan grandi a ponéle bria.
Ya kaba den siglo 17 Beetsterzwaag tabata deskribí komo ' klein van landeryen, doch lustich van gheboomte en vruchtbaer van graenen, met een schoone en welbestraette buyrte".(chikí ku un tiki terenonan, pero ku hopi plantanan i serealnan, ku kayanan i kasnan bon mantené)
Ainda, e pueblo tin e karakterístiko aki; por ehempel ku su Hoofdstraat ku ta existi mas ku tres siglo i mei. E hardinnan magnifico konstruí i e edifisionan históriko ta testigunan ketu di e noblesa riku di e siglonan 17 i 18. Un parti importante di e totalidat aki, ta e compleho di kasnan di mata: Tropische Kas/Kas Tropikal.

Historia
Jonckheer Jan Anne Lycklama à Nijeholt a bira doño di e kas na 1835 ku awendia ta konosí komo e ‘Lycklamahûs' (Kas di Lycklama) na Hoofdstraat 80, awor parti di Geemeentehuis di Gemeente Opsterland. Dilanti í patras di e kas un hardin a wordu trahá. Komo ku e hardin dilanti a wordu trahá over di e kaya Hoofdstraat ela haña e nomber 'overtuin' : hardin di otrabanda. Den e hardin aki, na 1869, e lessenaarskas (un kas di dreifi) ku te ainda ta eksistí i un kas di flor, a wordu trahá. E kas di flor a wordu renová i drechá i a resultá den un oranjerie. Dor di e oranjerie a bira posibel pa laga plantanan ku no por kontra friu keda bibu den wenter. Den añanan binti di e siglo pasá, e oranjarie a wordu remplasá pa e kas ku awor ta konosí komo 'De Tropische Kas' di Beetsterzwaag. E kas aki tin mas ku 80 aña, meskos ku algun plantanan den e kas ku tin kasi e mesun edat. Tambe, e kas tin un kolekshon variá di plantanan tropico.
Tambe tin un kolekshon amplia di matanan den barí, di kual tin vários mata di sitrùs di mas ku 70 aña.E sitrùsnan aki ta sobreviví den wenter den un orangerie ku a wordu
traha na 1984. Na 2004 e di kuater kas a wordu trahá. Den e kas aki bishitantenan por wordu risibí.

Amigunan di De Tropische Kas
For di 2004 e kompleho ta den man di De Vereniging van Vrienden van de Tropische Kas
E miembronan ta manehá i tene e kompleho na ordu i nan ta soru pa e matanan.
E meta di e Vereniging ta pa mantené e sitio idíliko i históriko aki pa bishitantenan.

Tempunan habrí
E Tropische Kas ta habrí di 14.00 te 17.00 riba siguiente dianan.
Djasabra i djadumingu den lunanan mei i september
Djaweps te ku djadumingu den lunanan jüni,jüli,ougùstùs.
Pa bishita di gruponan ku ke un paseo dirigí por hasi un afsprak.(Tambe
for di tempu regular).
Den lunanan oktober te ku aprel De Tropische Kas ta será.

Adrès pa informashon
Vereniging van Vrienden van de Tropische Kas
p/a Sekretario
Hoogstraat 38
9244 CN Beetsterzwaag

Lokalidat: Tropische Kas in de Overtuin na Hoofdstraat na Beetsterzwaag
(En frente di Hoofdstraat 80)

Website: www.tropischekas.nl
Email: tropischekas@planet.nl
Telefon: 0031-512-38 16 27 óf 0031-6-14 61 33 64

Deskripshon di ruta
Beetsterzwaag ta keda entre Heerenveen i Drachten. Kore ku outo via A7, tuma e afslag
Beetsterzwaag. Kore drenta Hoofdstraat, para despues di plm 300 meter na Hoofdstraat 80
i mira e overtuin en frente. Patras di e hardin aki bo ta haña e kompleho di kas.


Bo ta kordialmente bon biní!


Tradukshon pa Nilo i Hester Sneper.

Bai bèk na e página di komienso